من اقوال صلاح جاهين

اقوال صلا ح جاهين فى االحب رووووووووووووعة


وانشاء الة يكو متجدد لو لقيت تفاعل فى الموضوع



ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!



شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!


إقلع غماك يا تور وارفض تلف
إكسر تروس الساقية
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!


وقفت بين شطين علي قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !

يارب تعجبكم

الللللللللللللللللللللللللللللله عليك ياجاهين
والله رجعتينا للزمن الجميل يانونو
يسلم زووووووووووووووووووووووووووءك بجد
منتظرة الباقى

تسلمى على ردود وهحطلك الباقى

تابعى بقى الموضوع عشان تشوفى الباقى

يلااااااا لو لقيت ردووووووووود هكمللللللللللللللللللللللللل

الفيلسوف قاعد يفكر سيبوه

لا تعملوه سلطان و لا تصلبوه

ما تعرفوش إن الفلاسفه يا هوه

اللي يقولوه بيرجعوا يكدبوه

عجبي !!!



علي بعد مليون ميل من أرضنا

من الفراغ الكوني بصيت أنا

لا شفت فرق بين جبال و بحور

و لا شفت فرق ما بين عذاب أو هنا

عجبي !!



إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبي !!



نظرت فوق للنجوم و انا ساير

رجليا عترت في الحفر و الحجاير

بقيت أقول و انا ع التراب: يا سلام

مش بس عبره أخذت لكن عباير

عجبي !!!



- يا نجم .. نورك ليه كده بيرتجف ؟

هو انت قنديل زيت ؟ أو تختلف

- أنا نجم عالي .. بس عالي قوي

و كل ما انظر تحت اخاف انحدف

عجبي !!!!



السم لو كان في الدوا منين يضر ؟

و الموت لو عدونا .. منين يسر؟

حط القلم في الحبر و اكتب كمان

.. و العبد للشهوات .. منين هو حر؟

عجبي !!!

الللللللللللللله اللللللللللللللللللللله

قول يااااااااااازمن العبر

ولا انت لسه مش عندك خبر

ان الاصيل لو صار ملك ستر

وان الندل لو حكم فجر

تسلم ايديكى

بجد امتعتييييييييينى باختياراتك

تسلم يا نونا على ردك وانتظرى كل جديد بس انا عندى استفسار هو مفيش فى المنتدى غيرى انا وانتى؟

لا هو فى ياقلبى
بس المنتدى كان بيتجدد

علشان كدا ناس كتير موش عرفت انه اشتغل تانى

وان شاء الله يكون فيه تواجد