 |
||
اذا وجدت اى عضو مخالف برجاء مراسلتنا فورا من هنا
|
|||||||
| العلاقات الاسرية مناقشات و نصائح عن معاملة الازواج سعيا لعلاقة زوجية سعيدة,علاقات اسرية,العلاقات الاسرية |
 الإهداءات |
|
|
|
LinkBack | أدوات الموضوع | انواع عرض الموضوع |
01-12-2009, 03:36 PM
|
رقم المشاركة : [1] |
|
بنوته نشيطه
 |
زوجة رجل ممل
فعلا اللي يشوف مشاكل الناس تهون عليه مشكلته.. اترككم مع الحكاية الصغيرة دي طبعا أنتو عارفين مشكلتي الأزلية مع زوجي هاني" نفسي أخررررررج"، لكن مشكلتي كانت فعلا هينة بالنسبة لمشكلة صاحبتي "مي" ومن ساعتها حمدت ربنا... في يوم كلمت "مي" وعرضت عليها نخرج سوا عشان نغير جو، "ما دام زوجي العزيز مش فاضي"، ورحبت مي جدا ... - طبعا موافقة أنا بقالي كتير أنا كمان ما خرجتش وفرصة نشوف بعض. - طيب جميل أنا هستنى تليفونك بالليل تأكدي عليا. - إن شاء الله هقول لمحمد –زوجها- وأرد عليكي. وبعد ما رجع هاني من الشغل عرضت عليه الفكرة والحمد لله وافق وأنتظرت "مي" ترد عليا لكن ما أتكلمتش، قلت أكلمها أنا... - ألو أزيك يا مي؟ ولقيت مي صوتها حزين وكأنها معيطة... - مالك يا مي في حاجة؟ - لأ أبدا بس أنا مش هقدر أخرج معاكي بكرة. - ليه حصل حاجة؟ وأجهشت "مي" في البكاء..وكأن سؤالي "القشة اللي قصمت ظهر البعير"!! - براحة يا مي مالك بس إن شاء الله ما فيش حاجة تستدعي كل دا.. بعدها قررت مي تخرج اللي جواها وبدأت تحكي لي..بعد ما رجع زوجي "محمد"، من الشغل سألته: - حمد لله على السلامة ياحبيبي - الله يسلمك - على بال ما تغير هكون حضرت الأكل وعلى السفرة... - كلمتني هدى صاحبتني النهاردة وعرضت عليا نخرج سوا بكرة إيه رأيك؟ - "وكأني قلتله خبر مزعج، كشر وبعدين ابتسم وقال لي" : هتروحوا فين؟ - هنروح أي مول نتمشى شوية ونتفرج على اللبس هنغيير جو شوية. - بس أنت مش شايفة إنك دلوقتي متجوزة ووراكي بيت ومسئوليات. - ما تخافش إن شاء الله هرجع بدري وهتيجي تلاقي البيت تمام. - لأ أنا مش موافق ويا ريت ما نتكلمش في الموضوع دا تاني. - ليه بس يا محمد؟! - يوووووه.. أنت عايزة تتخانقي وخلاص قلت لأ. دي مش أول مرة نتخانق على الخروج، محمد أتغير ودلوقتي بيتخانق كتير من أقل سبب، وكتر كلامه عن عدم إحساسي بمسئولياتي كزوجة وكنت بسكت وأبرر غضبه بالضغوط التي في العمل. ولكن مرة وهو بيتخانق قال لي: - يا ريت تهتمي ببيتك شوية أنا تعبت من خروجك المتكرر. - بس أنا يا محمد مش بخرج كتير أنا بخرج أجيب حاجة البيت وبروح لماما. - أنت بتروحي لمامتك كتير، خلاص بعد كدة هتروحي مرة واحدة كل أسبوعين. - بس دا كتير أوي . - طيب مش هتروحي خالص. طبعا بعد اللي سمعته منه ما كانش قدامي غير أني أبكي... ونفذ كلامه، ومر أسبوع وما رحتش لماما ولما سألتني قلتلها معلش أصلي تعبانة شوية ومحمد مشغول اليومين دول إن شاء الله هجيلك قريب. وطبعا ماما لما أتأخرت عليها قالت تجيلي تزورني، وقضينا يوم جميل جدا . ولكن بعد ما رجع زوجي المصون ووجد ماما عندنا غضب جدا، إزاي حد يجي البيت من غير ما يعرف، وطلب مني أقولها بعد كدة لازم تستأذن منه الأول!! يا ناس هو دا معقول أستأذنه قبل ما ماما تجيلي وبعدين هي ماما أي حد؟!! وما ردتش عليه وخلتني بنت ناس للأخر، وبعد ما الدنيا هدأت وماما روحت سألته: - ليه يا محمد كل دا ؟ أنت أما رفضت أروح لماما وحشتها وهي جت فين المشكلة؟! - يا هانم دا بيتي وأنتي مراتي وأنا حر. - لأ كدة كتير عيب كدة. - أنت كمان بتردي عليا طيب عقابا ليكي ما فيش خروج من البيت لمدة شهر، عشان بعد كدة كلامي يتسمع. بجد وبكل صراحة أنا مش عارفة هو بيعمل كدة ليه وماما عملتله إيه!! وبإعترافه أنها بتعامله زي أمه، طيب بيعمل معايا كدة ليه؟! ... طبعا بعد ما سمعت كلام "مي" ما كنش في إيدي حاجة غير أني أطيب خاطرها وأحاول أهديها وقلتلها إن كل البيوت فيها مشاكل وإن شاء الله ربنا يهديه وكلام كتييييير زي دا.. لكن بصراحة بيني وبينكوا فعلا بعد اللي سمعته حمدت ربنا أن هاني مش زي محمد، ولو أني لغاية دلوقتي مش عارفة محمد زوج "مي" بيعمل كدا ليه؟ يارب الحكايه تكون عجبتكم  |
|
|
|
03-23-2009, 09:23 PM
|
رقم المشاركة : [2] |
|
نوته رائعه
 |
كل اللى اقدر اقوله ربنا يهدى جوز صاحبتك
|
|
|
|
|
06-26-2009, 09:16 AM
|
رقم المشاركة : [3] |
|
بنوته جديدة
|
يـووهـ
الله يعينــها خــوفتووني |
|
|
|
|
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
منتدى بنات , منتدى البنات , موقع البنات , أناقة و موضة , ميك اب و تسريحات ,تجهيزات و استفسارات العروسه , مطبخ البنات
صور باربى فقط , فساتينboosy cat , بلوزات 2009 , لف طرح , تجهيزات و استفسارات عرايس مصر (الجزء الأول)
أرقام الماكييرات
و مصممين الطرح و الكوافيرات (داخل مصر) ,
أرقام و عناوين
الحنانات (ليلة الحنه) داخل مصر ,makeup
artist
العرض العادي
